Bilbo berriaren arkitektura garaikidearekin bat etorriz, Federico Sorianok eta Dolores Palaciosek diseinaturiko Euskalduna Jauregia zalantza izpirik gabe leku bikaina da edozer ospatzeko; gainera, 2003an Munduko Biltzar Jauregirik Onenaren saria eskuratu zuen. Sortu zenetik hainbat ekitaldi egin dira bertan, opera kontzertuak zein ballet emanaldiak, negozioei buruzko biltzarrak edota berrikuntzari lotutako saio berrienak, gaitasun handia eta ezaugarri esklusiboak dituelako.

Estrategikoki kokatuta dago, eta erraz irits daiteke Euskalduna Jauregira. Hain zuzen ere, Casilda parkearen aurrean eta Guggenheim Museoaren inguruan dago, eta hurbil daude hiriko etorbide nagusia, San Mames futbol zelaia edota Zubiarte merkataritza gunea; hala, Euskalduna Jauregia ezin hobeto konektatuta dago Euskaldunako tranbia geltokiarekin, hiri barruko autobusekin (26-56-62) zein metroarekin (San Mamés geltokia).